Советот за етика во медиумите на Македонија работи на полето на поголема инклузивност во медиумите. Во таа насока Советот подготви Насоки за инклузивно известување во медиумите. Целта на насоките е се надгради постоечката етичка рамка во врска со медиумското известување за немнозинските групи, но и да им се помогне на новинарите повеќе и соодветно да ги застапуваат во медиумите.
Препораките во овие насоки се во согласност со веќе постоечките професионални стандарди и практики во новинарството и претставуваат дополнување на одредбите во однос на инклузијата на различностите во медиумското известување. Насоките се подготвени како резултат на консултациите со советите за етика во Западна Европа и во регионот на Југоисточна Европа, анализа на документи на професионални новинарски и медиумски организации, како и врз основа на интервјуа со медиумски стручњаци, професори и претставници на граѓански организации коишто работат на заштита на човековите права на ранливите групи.
Советот за етика во медиумите на Македонија подготви и Насоки за етичко известување во онлајн медиумите во рамки на консултативен процес со претставници на медиумските и новинарските организации и со медиумите. Процесот за изработка на Насоките го поддржа Мисијата на ОБСЕ во Скопје. Насоките се достапни на следниот линк: https://semm.mk/attachments/01-02-2021/%D0%9D%D0%B0%D1%81%D0%BE%D0%BA%D0%B8%20%D0%B7%D0%B0%20%D0%B5%D1%82%D0%B8%D1%87%D0%BA%D0%BE%20%D0%B8%D0%B7%D0%B2%D0%B5%D1%81%D1%82%D1%83%D0%B2%D0%B0%D1%9A%D0%B5%20%D0%B2%D0%BE%20%D0%BE%D0%BD%D0%BB%D0%B0%D1%98%D0%BD%20%D0%BC%D0%B5%D0%B4%D0%B8%D1%83%D0%BC%D0%B8%D1%82%D0%B5.pdf
Во таа насока Советот подготви и анализа на тема: Говор на омраза, национална и меѓународна правна рамка, со посебен осврт на медиумите.
СЕММ во моментов ги обработува резултатите од конкурсот за најдобри новинарски стории за инклузивно известување за различностите за време на Ковид – 19. Конкурсот, којшто се организираше заедно со Мисијата на ОБСЕ во Скопје, заврши, а наградите ќе бидат соопштени во текот на јуни.
