„Преку примена на овој инструмент, организациите ќе можат да го видат својот удел во општествените промени. Ова за во иднина ќе ни даде основа за, информации и знаења коja ќе ги насочии во кој сегмет би требало да направат промени во своето работење, а во исто време ќе ги покаже тие силни страни кои што секако треба во иднина исто така да бидат зајакнувани.“ – изјави Климентина Илијевски, извршна директорка на асоцијацијата за истражувања, публикации и развој „Паблик“
Илијевски вели доколку се гледа каква е перцепцијата на граѓаните во однос на тоа како делува граѓанскиот сектор во земјава и она што реално е постигнато на терен може да се забележи силна дескрепанца, односно тие не ги препознаватт промените кои што се направени од страна на граѓанските организации, меѓутоа може да ја видат сликата, крајниот производ на она што се случува во општеството.
„Од една страна ако имаме недоверба, од друга страна имаме укажување за промени кои што и самите граѓани не се свесни дека се поттикнати од граѓанските организации. Се надевам дека овој инструмент што го искреиравме сега ќе биде основа за во иднина да биде повидлива работата на граѓанскиот сектор.“ – додава директорката на „Паблик“
Истражувањето е спроведено во рамки на програмата за поддршка на граѓанското општество „Цивика мобилитас“. Резултатите од истражувањето беа споделени на конференција во хотелот „Солун“ во Скопје.
