Дубаи е дестинација, која македонските граѓани можат да ја посетат за само 140 евра и тоа со авионски превоз. Пратениците од Гевгелија, Охрид и Струга, за едно патување до Скопје наплаќаат од собранискиот буџет од 6.000 до 8.000 денари.
Дубаи од Скопје е оддалечен околу 5.000 километри, а од Гевгелија до Скопје е 30 пати помалку, односно 170 километри. Тоа не им смета на нашите пратеници од внатрешноста да наплатат за оваа дестинација речиси исто колку што би потрошиле македонските граѓани за авионскиот лет до Дубаи.
За неполна година, само за првите 11 месеци на 2014 година за патни трошоци на пратениците се исплатени околу 1 милион евра, а нивните привилегии од неодамна се збогатени и со правото да користат повисоки дневници за патување во странство.
Според новите уредби за 2015 година, ќе се пресметува 50% од вредноста на дневниците за патување во странство. Ова е зголемување од претходните години, кога за службен пат во странство се исплаќаа од 30 до 35% од вредноста на пропишаните дневници, за местата каде патуваат работниците и функционерите.
„Оваа Уредба е двосмислена и остава простор за различни толкувања. Едно од толкувањата е дека на сумата 50% од дневниците нема да се плаќа данок, додека на повисоките дневници ќе се плаќа“, вели сметководителот Т.С.
Милион евра за патни трошоци на пратениците
Според податоците на собраниската сметководствена служба, во првите 11 месеци на 2014 година за патни трошоци на пратениците се исплатени 60.302.260 денари (околу 1 милион евра). Овие трошоци се направени од мај 2013 година до септември 2014. Само да споменеме дека во 2014 година имаше избори и 2-3 месеци Собранието не работеше.
Рекордер во наплатата на патните трошоци е пратеникот од Гевгелија, Драги Цуклев – во 2014 година наплатил 1,5 милиони денари (околу 25.000 евра).
Исто толку пари како на охридско-струшките, им следуваат и на битолските пратеници Зоран Илиовски и Љиљана Кузмановска.
ЗОРАН ИЛИОВСКИ Исплатени патни трошоци во првите 11 месеци од 2014 година месец исплатени патни трошоци (во денари) Исплатени патни трошоци (во евра) Јануари (исплатени за мај 2013) – Февруари (исплатени за јуни и јули 2013 година) – Март (исплатени за август 2013) – Април (исплатени за септември и октомври 2013) – Мај (исплатени за ноември 2013) – Јуни – Јули (исплатени за декември 2013, март 2014 и мај 2014) 32,347,00 525,97 Август – Септември – Октомври (исплатени за јуни 2014) 41,015,00 666,91 Ноември (исплатени за јули, август и септември 2014) 298,666,00 4,856,36 ВКУПНО 372,028,00 6,049,24 Извор: Собрание на РМ
„Нашата работа е на две места, и во Собранието и местото каде сме избрани. Имаме обврски и на двете места и мора да патуваме“, вели накратко Кузмановска. Таа не се сеќаваше колку пари зела за патни трошоци за последниот месец, а и не се сеќава за кој месец се тие трошоци зошто Собранието доцни со исплатата на патните трошоци.
ЉИЉАНА КУЗМАНОВСКА Исплатени патни трошоци во првите 11 месеци од 2014 година месец исплатени патни трошоци (во денари) Исплатени патни трошоци (во евра) Јануари (исплатени за мај 2013) 79,702,00 1,295,97 Февруари (исплатени за јуни и јули 2013 година) 137,297,00 2,232,47 Март (исплатени за август 2013) 49,380,00 802,93 Април (исплатени за септември и октомври 2013) 242,394,00 3,941,37 Мај (исплатени за ноември 2013) 147,789,00 2,403,07 Јуни – Јули (исплатени за декември 2013, март 2014 и мај 2014) 182,467,00 2,966,94 Август – Септември – Октомври (исплатени за јуни 2014) 41,065,00 667,72 Ноември (исплатени за јули, август и септември 2014) 217,042,00 3,529,14 ВКУПНО 1,097,136,00 17,839,61 Извор: Собрание на РМ
Според податоците што ги добивме од Собранието, на Кузмановска и се исплатени 1,1 милион денари во 2014 година или нешто помалку од 18.000 евра.
Поранешната шефица на пратеничката група на ВМРО-ДПМНЕ, Силвана Бонева и нејзините колеги од Струмица, за патот до Скопје од „далечниот“ југоисток им следуваа по околу 5.000 денари. Бонева не е подготвена да зборува на оваа тема.
|
||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
„Со години јас давам изјави за патните трошоци на пратениците. Сега има нов координатор, обратете се кај него“, се вели во смс пораката на Бонева.
На сметката на Бонева, Собранието до ноември 2014 година исплатило нешто помалку од 23.000 евра.
РОЗА ТОПУЗОВА-КАРЕВСКА Исплатени патни трошоци во првите 11 месеци од 2014 година месец исплатени патни трошоци (во денари) Исплатени патни трошоци (во евра) Јануари (исплатени за мај 2013) – Февруари (исплатени за јуни и јули 2013 година) – Март (исплатени за август 2013) – Април (исплатени за септември и октомври 2013) – Мај (исплатени за ноември 2013) – Јуни – Јули (исплатени за декември 2013, март 2014 и мај 2014) – Август – Септември – Октомври (исплатени за јуни 2014) 31,680,00 515,12 Ноември (исплатени за јули, август и септември 2014) 242,959,00 3,950,55 ВКУПНО 274,639,00 4,465,67 Извор: Собрание на РМ
Роза Топузовска Каревска и нејзината сограѓанка од власта Ане Лашкоска, секое доаѓање до Скопје имаат можност за патни трошоци да наплатат стотина евра. „Опел астрата“ на брачниот другар на Топузовска Каревска и „тојота королата“ на Лашкоска од Скопје до Прилеп имаат шанса да заминат со по 5.000 денари.
АНЕ ЛАШКОСКА Исплатени патни трошоци во првите 11 месеци од 2014 година месец исплатени патни трошоци (во денари) Исплатени патни трошоци (во евра) Јануари (исплатени за мај 2013) 73,994,00 1,203,15 Февруари (исплатени за јуни и јули 2013 година) 162,348,00 2,639,80 Март (исплатени за август 2013) 44,506,00 723,67 Април (исплатени за септември и октомври 2013) 206,559,00 3,358,68 Мај (исплатени за ноември 2013) 120,420,00 1,958,05 Јуни – Јули (исплатени за декември 2013, март 2014 и мај 2014) 153,488,00 2,495,74 Август – Септември – Октомври (исплатени за јуни 2014) 31,680,00 515,12 Ноември (исплатени за јули, август и септември 2014) 230,824,00 3,753,24 ВКУПНО 1,023,819,00 16,647,46 Извор: Собрание на РМ
Лашкоска во првите 11 месеци лани наплатила околу 17.000 евра за патни трошоци, додека Топузовска-Каревска наплатила околу 4.500 евра.
АНТОНИО МИЛОШОСКИ Исплатени патни трошоци во првите 11 месеци од 2014 година месец исплатени патни трошоци (во денари) патни трошоци (во евра) Јануари (исплатени за мај 2013) 10,618,00 172,65 Февруари (исплатени за јуни и јули 2013 година) 43,074,00 700,39 Март (исплатени за август 2013) 24,561,00 399,37 Април (исплатени за септември и октомври 2013) 122,973,00 1,999,56 Мај (исплатени за ноември 2013) 77,383,00 1,258,26 Јуни – Јули (исплатени за декември 2013, март 2014 и мај 2014) 89,919,00 1,462,10 Август – Септември – Октомври (исплатени за јуни 2014) 16,632,00 270,44 Ноември (исплатени за јули, август и септември 2014) 11,356,00 184,65 ВКУПНО 396,516,00 6,447,41 Извор: Собрание на РМ
Пратеникот Антонио Милошоски од Кичево, до Скопје, наплаќа толку пари, колку да патува за Белград. Нему му следуваат по 4.000 денари за одење и враќање од „далечното“ Кичево.
Сепак, пратеникот Милошоски, за „Инбокс 7“ појасни дека тој не ги зема овие пари бидејќи нему како потпретседател му следува возач по службена должност.
Но, изјавата на Милошоски не се поклопува со фактичката состојба во собраниската благајна. Од таму велат дека во првите 11 месеци за 2014 година, на име патни трошоци му се исплатени 6.500 евра.
„Најлошо“ во наплатата на патните трошоци минува координаторот на пратеничката група на ВМРО-ДПМНЕ, Илија Димовски. Мерцедесот, кој го поседува Димовски, може да му донесе и по 2.000 денари на секое одење до Собранието на РМ врз основа на правото за користење на сопствено возило за службени потреби. Димовски не одговори на нашите барања за изјава за патните трошоци. Во 2014 година на Димовски му се исплатени 5.200 евра.
Во следнава табела се претставени чисти пари што им остануваат на пратениците од неколку македонски градови, со претпоставка дека тие патуваат 12 пати месечно до Скопје, а нивното возило троши осум литри гориво на секои изминати 100 километри.
Град Одалеченост од Скопје ( км во два правци) Месечна разлика за патни трошоци (во евра) Годишно (во евра) за 1 мандат (во евра) Струга 360,00 856,00 10,200,00 41,000,00 Битола 360,00 856,00 10,200,00 41,000,00 Охрид 344,00 818,00 9,800,00 40,000,00 Пехчево 340,00 809,00 9,700,00 39,000,00 Струмица 300,00 714,00 8,500,00 34,000,00 Прилеп 280,00 666,00 8,000,00 32,000,00 Кичево 240,00 571,00 6,800,00 27,000,00 Крива Паланка 200,00 476,00 5,700,00 23,000,00 Гостивар 140,00 333,00 4,000,00 16,000,00 Велес 125,00 300,00 3,600,00 14,200,00 Куманово 100,00 240,00 2,900,00 11,500,00
Формулата не е среќно решение и за пратениците
Иако земаат голема сума за патни трошоци, пратениците се незадоволни.
Рамиз Мерко, пратеник од Струга, имаше ретка можност од сегашниот пратенички состав, да биде и градоначалник и пратеник.
| РАМИЗ МЕРКО | ||
| Исплатени патни трошоци во првите 11 месеци од 2014 година |  |
|
| месец | исплатени патни трошоци (во денари) | Исплатени патни трошоци (во евра) |
| Јануари (исплатени за мај 2013) | – | |
| Февруари (исплатени за јуни и јули 2013 година) | – | |
| Март (исплатени за август 2013) | – | |
| Април (исплатени за септември и октомври 2013) | – | |
| Мај (исплатени за ноември 2013) | – | |
| Јуни | – | |
| Јули (исплатени за декември 2013, март 2014 и мај 2014) | 33,200,00 | 539,84 |
| Август | – | |
| Септември | – | |
| Октомври (исплатени за јуни 2014) | 42,280,00 | 687,48 |
| Ноември (исплатени за јули, август и септември 2014) | 324,156,00 | 5,270,83 |
| ВКУПНО | 399,636,00 | 6,498,15 |
| Извор: Собрание на РМ |
„Напорна е пратеничката работа.За одење во Скопје, користам сопствено возило. Патувам дополнителни шест часа од работното време. Никој тие шест часа не ми ги плаќа. Не можам јас да возам 3 часа во еден правец без да се изгужвам.Во Скопје треба да платам и некоја гарсониера, каде ќе можам да се преслечам“, вели Мерко.
Тој додава дека немаат репрезентација и доколку имаат службени состаноци, си плаќаат сами, за разлика од претходната функција со која му била дозволена и оваа бенефиција.
Според пратеникот Антонио Милошоски, потребни се промени во статусот на пратениците.
„Јас сум за промена на овој модел на исплата на патни трошоци, но да се види како е во другите земји и целосно да се имплементира моделот од другите земји.Треба и на пратениците да им се овозможат адекватни услови за работа.Има моменти кога тие се враќаат дома, а работеле по цел ден во Скопје. Има луѓе што се во поодминати години и им е многу напорно, со овој модел што го имаат сега“, вели Милошоски.
Никој од пратениците не го споменува фактот дека надоместокот за користење на сопствено возило за службени потреби не е сменет околу 20 години.
Собранието не користи електронска пошта
За да добиеме точни податоци за нашето истражување испративме барање по слободен пристап до информации од јавен карактер до Собранието на РМ. Од таму ни рекоа дека електронската пошта од официјалната страница не ја користат многу, а ако сакаме да добиеме одговор да го препратиме барањето на електронската пошта на секретарот на Собранието, Жарко Денкоски. Кога ги добија нашите барања за слободен пристап до информации од јавен карактер за патните трошоци на пратениците, од кабинетот на секретарот се јави вработен и ни рече да ги однесеме барањата лично, во Собранието на РМ или по пошта. Тие по електронски пат не ги архивирале.
Онлајн-магазинот ИНБОКС 7 почнувајќи од 1-ви декември па досега три пати мораше да ги доставува истите барања до Собранието на РМ и за нив одговор чекаше 50 дена, иако законскиот рок за одговор по Законот за слободен пристап до информации од јавен карактер е 30 дена.
