Досега најуспешната акција за чистење на Македонија беше огранизирана викендов од „Ајде Македонија“ во која учествуваа над 16000 учесници, 70 граѓански организации и над 100 училишта, кои чистеа 156 локации низ земјата во 53 општини. Националната акција е во рамки на проектот „Македонија без отпад 2016“ кој има за цел да го исчисти отпадот кој се наоѓа на несоодветни места во околината, да развие свест кај граѓаните за правилно управување со отпадот како и справување со неорганизираното и незаконско фрлање на отпад во нивните заедници. Акцијата беше поддржана од Швајцарската агенција за поддршка и развој преку програмата „Цивика Мобилитас“ и компаниите Осигурување Македонија и Еконелектрон. (Б.С)

Македонскиот центар за меѓународна соработка и Институтот за демократија „Социетас Цивилис Скопје“ додели награди за трите најдобри новинарски истражувачки стории на тема корупција. Првото место го освои сторијата „Владата потроши милијарда евра за субвенции, а увозот на храна е удвоен“ на Влатко Стојановски, новинар од неделниот весник „Фокус“. Новинарот Владо Ѓорчев од порталот „Мета“ со својата сторија „Превозниците од Транспотер не сопреа, туку тераат по старо па и уште побрзо“ го освои второто место, додека третото место беше доделено на Кристина Озимец, новинарка од порталот „НоваТв“ за истражувачката сторија „Конфискација на имот“. „Храбрите и независни медиуми можат да ја осветлат темнината каде што владее корупцијата. Како граѓани се потпираме на истражувачката работа на новинарите да ги откријат проблемите. Новинарите исто така помагаат да се оформи нашето мислење за измамата и корупцијата. Тоа е драгоцена јавна служба и треба сериозно...

,,Четирите големи партии ќе ги поканиме да потпишат кодекс за превенција за време на избори. Поточно, што се треба да сторат политичките партии во предизборниот процес и на самиот изборен ден за да нема тензии меѓу нив’’, најавија од Македонскиот центар за култура и развој на денешната прес-конференција. Со цел да се избегнат меѓуетничките и меѓупартиски конфронтации, како главен сектор на интервенција на овој проект се токму односите помеѓу етничките заедници и различните политички партии. ,,Превенцијата во општеството е исклучително важна. За жал во последните три месеци имавме неколку негативни настани, поплавите, земјотресите што се случија, па еве сега и изборите кои ни се случуваат, или овој политички земјотрес кој трае веќе две-три години во нашата земја. Сето ова покажува дека се уште како општество не сме на едно сериозно ниво созреани да превенираме, бидејќи најевтиниот лек од сите...

Недостатокот на практична настава е главен виновник за неквалификувани кадри за работа на пазарот на трудот. Ова беше истакнато на вчерашната конференција „Јакнење на доживотното учење преку модернизација на системот за стручното образование и обука и образованието на возрасните”. Конференцијата се одржа со цел да се промовира започнувањето на проектот финансиран од Европската Унија. Во програмата од проектот кој чини 1.972.500 евра и ќе трае до ноември 2017 година се предвидува зајакнување на системот за стручно образование и обука преку зајакнување на соработката со приватниот сектор како и социјалните партнери. Процесот ќе вклучи изработка на соодветни стратегии, преку измени во курикулумот на стручното образование. Реформите ќе бидат направени врз основа на процените на пазарот на труд и преку зајакнување и воспоставување на капацитети во школите. (А.Р)  

Деца од десет скопски градинки денеска учествуваа на манифестацијата „Движи се за здравје“, организирана од Детскиот културен центар „Карпош“ која се одржа во Градскиот парк во Скопје, пред фонтаната Лотос. Дечињата од прешколска возраст беа дел од игрите кои имаа за цел да ги мотивираат децата да се занимаваат со спорт. „Покрај другите манифестации, Ролеријада, цртање на асфалт се одржува и оваа „Движи се за здравје“ во склоп на Факултетот за физичка култура и во соработка со професорот Горан Никовски. Тоj ни помага со своите студенти за да ги запазиме сите прописи кои што треба да бидат запазени за безбедност, која е нашата основна цел покрај рекреацијата“, изјави Ружа Ѓоргоска, директорка на културниот центар „Карпош“. По нејзиниот говор, настанот беше отворен со танцова точка на група при основното училиште „Блаже Конески“. „Ние како културен центар се трудиме уште од...

Здружение-Центар за истражувачко новинарство СКУП-МАКЕДОНИЈА Скопје, објавува:                                                            О Г Л А С                           за пријавување на практиканти волонтери                                      од областа на новинарството     Здружението-Центар за истражувачко новинарство СКУП-МАКЕДОНИЈА Скопје, има потреба од двајца практиканти/волонтери од областа на новинарството ( пишување на информативни содржини, вести,извештаи, стории, колумни исл.) Огласот ќе трае во период од 15.08.2016-31.08.2016 година, со тоа што избраните кандитати би почнале со практиканството/волонтерството од 01.09.2016 година до 30.09.2016 година, со можност за продолжување на подолг период за работа на проект. Пријавените кандидати треба да имаат завршено најмалку средно образование- ССС или факултет-ВСС, а предност ќе имаат кандидатите кои имаат завршено студии по новинарство, или се уште студираат во наведената област. –За почетниот период од практикантската/волонтерска работа, не е предвиден никаков надомест.   Ги молиме сите заинтересирани кандидати, своите апликации во форма...