Бјанка Станковиќ: ВИ може да предложи и создаде, но новинарот мора да провери

Вештачката интелигенција може да помогне во создавањето и обработката на медиумски содржини, но не може да ја преземе одговорноста за точноста на информацијата. Човечкиот фактор останува пресуден, а новинарите и уредниците мора да бидат последниот филтер пред информацијата да стигне до јавноста, оценува новинарката Бјанка Станковиќ. Во интервју за СКУП, Станковиќ ги издвојува дезинформациите и таканаречените „халуцинации“, пристрасноста на ВИ-алатките, заштитата на приватноста и довербата во медиумите како дел од главните предизвици што ги носи употребата на вештачката интелигенција. Таа предупредува и на потребата од заштита на чувствителните информации и новинарските извори при користење ВИ-алатки, а медиумската писменост ја смета за клучна за публиката во препознавањето на контекстот, изворот и веродостојноста на содржините. СКУП: Со оглед на вашето новинарско искуство поврзано со медиумската сфера, кои се главните предизвици во употребата на вештачката интелигенција во новинарството? Бјанка Станковиќ: Постојат повеќе...

Ако пукне ВИ-балонот, ударот нема да биде само врз технолошките компании

Огромните инвестиции во вештачка интелигенција, дата-центри, чипови и енергетска инфраструктура може да создадат нов системски ризик за глобалната економија доколку приходите од ВИ не ги оправдаат сегашните очекувања, предупредува авторот Џон Мек Глион во анализа објавена во „The Hill“. Според него, ВИ одамна престанала да биде само софтверски тренд и станала темел врз кој се градат очекувањата на технолошките компании, енергетскиот сектор, комерцијалните недвижности, индустријата и финансиските пазари. Проблемот, пишува тој, е што огромен дел од тие инвестиции се засноваат на претпоставка дека побарувачката за ВИ-компјутерска моќ и софтвер ќе расте речиси неограничено. Трилиони во чипови, струја и дата-центри Најголемите технолошки компании трошат огромни суми на графички процесори, дата-центри со течно ладење, електрични мрежи, нови извори на енергија и индустриска инфраструктура. Изградбата на еден модерен дата-центар може да чини стотици милиони долари, а инвестициите често се врзани со долгорочни...

OpenAI троши половина милион долари дневно за да открие што правеле неговите ВИ-агенти

OpenAI проверува околу 50 петабајти историски податоци откако беше откриено дека негов ВИ-систем навлегол во системите на Hugging Face. Повеќе од 100 организации веќе добиле известувања за потенцијално сомнителни активности, но компанијата нагласува дека известувањето само по себе не значи дека имало пробивање на систем или пристап до приватни податоци. OpenAI известил повеќе од 100 организации за активности поврзани со неговите системи за вештачка интелигенција, во рамките на голема истрага за случаи во кои моделите можеби преземале несакани активности на интернет без компанијата навреме да знае за нив, објави „Индипендент“. Истрагата започнала по откритието дека еден од системите на OpenAI навлегол во системите на компанијата за вештачка интелигенција Hugging Face. Оттогаш, компанијата се соочува со прашања за тоа колкава контрола има врз автономното однесување на своите модели и дали постојните безбедносни механизми се доволни кога ВИ-системите добиваат пристап до...

Шеикот од сенка кој вложува милијарди во трката за контрола на вештачката интелигенција

Додека американските и кинеските технолошки компании се натпреваруваат кој ќе ги развива најмоќните модели на вештачка интелигенција, Обединетите Арапски Емирати градат поинаква стратегија: да станат еден од центрите што ќе ја финансираат и напојуваат глобалната инфраструктура на новата технологија. Во средиштето на таа стратегија е шеикот Тахнун бин Зајед Ал Нахјан, брат на претседателот на ОАЕ, заменик-владетел на Абу Даби и советник за национална безбедност. Тој претседава со технолошката групација G42 и инвестициската компанија MGX, преку кои Абу Даби создава позиции во некои од најважните компании и инфраструктурни проекти во светската индустрија за вештачка интелигенција. Но приказната за Тахнун не започнува со вештачката интелигенција. Од „Бен“ до еден од најмоќните луѓе во Заливот Гардијан во обемен профил открива необична епизода од неговата младост. Во 1990-тите Тахнун студирал во Калифорнија и тренирал бразилско џиу-џицу претставувајќи се едноставно како „Бен“. Луѓето...

Од 124 милиони до 965 милијарди долари за пет години: Како Anthropic стигна пред OpenAI до берзата

Anthropic, компанијата зад ВИ-асистентот Claude, се приближува кон берзанска котација што би можела да ја направи првата водечка лабораторија за вештачка интелигенција што излегла на јавниот пазар, само пет години откако започна како стартап со инвестиција од 124 милиони долари. Проспектот за иницијалната јавна понуда (ИПО), во кој увид имал Ројтерс, претставува амбициозна визија според која вештачката интелигенција би можела да ја трансформира светската економија подлабоко отколку индустријализацијата, електричната енергија и интернетот. Патот до берзата беше исклучително брз. Anthropic во мај 2021 година, предводен од братот и сестрата Дарио и Даниела Амодеи, собра 124 милиони долари во првата голема инвестициска рунда. Пет години подоцна, во мај 2026 година, компанијата собра 65 милијарди долари свеж капитал, со проценка од 965 милијарди долари по инвестицијата. Тоа ја донесе на чекор од симболичната граница од еден трилион долари. Claude ја отвори битката...

ИНТЕРВЈУ / Африм Таналари: ВИ може да биде почетна точка, но новинарот мора да остане последниот филтер

Вештачката интелигенција не треба да се гледа како закана за новинарството, туку како алатка која може значително да ја олесни работата во редакциите. Но, новинарот мора да остане последниот филтер пред информацијата да стигне до јавноста, оценува новинарот Африм Таналари. Во интервју за СКУП, Таналари вели дека ВИ може да помогне при пребарување и анализа на големи количества податоци, транскрипција, превод и систематизирање информации, но не може да ги замени новинарската проценка, чувството за контекст и одговорноста кон јавноста. Според него, најголема опасност е новинарите некритички да преземаат содржини произведени од ВИ, додека иднината ќе им припаѓа на медиумите кои ќе успеат да ја искористат технологијата без да ги загубат кредибилитетот, критичкото размислување и довербата на публиката. СКУП: Со оглед на вашето богато новинарско искуство поврзано со медиумската сфера, кои се главните предизвици во употребата на вештачката интелигенција во...

Оставете коментар

коментар(и)