Скопје домаќин на Меѓународниот ден на укажувачите-24 март

СКОПЈЕ – Со оглед на потребата за зачувување на слободата на говорот и правата на медиумите во Македонија, првиот годишен Меѓународен ден на укажувачите ќе се одржи во Скопје на 24 март 2017 година. Настанот е во партнерство со Денот на слободен говор на Македонија.   На програмата на овој целодневен настан во клубот МКЦ е средба со укажувачи, говори на активисти, прес-конференција, учество на граѓани и жива музика со Crossroad Blues Band.   Учесници се Специјалната јавна обвинителка Катица Јанева, укажувачот Симо Груевски, Меѓународниот тим лидер Петрус Тоинес и истражувачкиот новинар Зоран Иванов, претседателката на ТИ Македонија Слаѓана Тасева, како долгогодишниот активист Џабир Дерала од Цивил. Активистката за човекови права и новинарката Арзу Гејбула ќе има воведно излагање за растечките предизвици и опасностите на истражувачкото новинарство и активизам во Европа и ширум светот.   “24 Март 2017 е пресвртница...

Единствен глас за поддршка на укажувачите

Коалицијата за заштита на укажувачите во Југоисточна Европа, чија членка е Центарот за истражувачко новинарство СКУП Македонија деновиве во Загреб, Хрватска ја одржа својата втора конференција. Целта на оваа организација е да ја подигне јавната свест за потребата од заштита на укажувачите. Средбата е одржана во Хрватска, единствена земја од регионот која се уште не усвоила закон за укажувачите. Македонија го усвои лани во месец ноември, а на сила е од март оваа година. Д-р Сулет Драјфус од Мелбурн, Австралија, која е извршен директор на организацијата „План за слобода на говорот“ кој пак е основач на Коалицијата рече дека Коалицијата е пример дека може да се направи разлика и да се постигне напредок. „Идејата за Коалицијата е стара две години и за ова време е навистина постигнато многу, има мошне силен импакт врз регионот“, рече Драјфус. Коалицијата е составена...

Дебата: „Истражувачко новинарство-за да се дознае вистината“

Граѓаните треба да се охрабруваат и да соработуваат со новинарите за проблемите во општеството е една од поентите кои беа изнесени на денешната дебата „Истражувачко новинарство-за да се дознае вистината“, која ја организираа Македонскиот институт за медиуми и Центарот за истражувачко новинарство СКУП-Македонија во соработка со он-лајн магазинот „Инбокс7“. На дебатата зборуваа повеќе истражувачки новинари и експерти од оваа област. Зоран Иванов,долгогодишен уредник и доајен во македонското новинарство направи споредба со условите во кои во 80-тите и 90-тите работеле новинарите и сега. Горан Лефков, новинар на СКУП-Македонија зборуваше за тоа како да се следи трагата на парите во изработката на истражувачката сторија, додека неговиот колега Влатко Стојановски од „Фокус“ зборуваше за анимирање на граѓаните во процесот на изработка на истражувачките стории. Мери Јордановска од БИРН-Македонија ја презентираше нејзината работа на истражувањето за „Скопје 2014“ и како сторијата полесно да...

Имотот на ВМРО-ДПМНЕ стана тема на меѓународната јавност

Под наслов „Една од најбогатите партии во Европа владее со една од најсиромашните европски земји“ онлајн весникот „Глобал воисес“ го пренесува истражувањето на СКУП Македонија за имотот на најголемите четири политички партии во државава. Покрај преносот, „Глобал Воисес“ објавува и табела со бруто-националниот доход на земјите во кои егзистираат најбогатите партии. Оваа статија можете да ја прочитате овде.

Дебата: Истражувачко новинарство – за да се дознае вистината

Дебатата “Истражувачко новинарство – за да се дознае вистината” е дел од регионалниот проект „Медиумска опсерваторија на Југоисточна Европа“, чиј што национален партнер е МИМ. Проектот е финансиран од Европската Унија. Воведно обраќање ќе има Жаклина Хаџи-Зафирова, новинар и соосновач на Центарот за истражувачко новинарство – СКУП, а потоа новинарскиот ветеран Зоран Иванов ќе зборува за истражувачкото новинарство во редакциите. На тема „По трагата на парите-како до длабинска истражувачка сторија“ ќе зборува Горан Лефков, новинар во СКУП, за тоа како да се напише истражувачка сторија разбирлива за граѓаните ќе зборува Мери Јордановска, новинар на БИРН, а како да се анимира јавноста, ќе објасни Влатко Стојановски, новинар во неделникот „Фокус. Дебатата ќе се одржи во просториите на ЕУ Инфо центарот, Делегација на Европската Унија, Бул. Св. Кирил и Методиј 52б, Скопје, на 19 октомври 2016 (среда), со почеток во 11:00 часот.

Над 16000 граѓани учествуваа во проектот „Македонија без отпад 2016“

Досега најуспешната акција за чистење на Македонија беше огранизирана викендов од „Ајде Македонија“ во која учествуваа над 16000 учесници, 70 граѓански организации и над 100 училишта, кои чистеа 156 локации низ земјата во 53 општини. Националната акција е во рамки на проектот „Македонија без отпад 2016“ кој има за цел да го исчисти отпадот кој се наоѓа на несоодветни места во околината, да развие свест кај граѓаните за правилно управување со отпадот како и справување со неорганизираното и незаконско фрлање на отпад во нивните заедници. Акцијата беше поддржана од Швајцарската агенција за поддршка и развој преку програмата „Цивика Мобилитас“ и компаниите Осигурување Македонија и Еконелектрон. (Б.С)

Оставете коментар

коментар(и)