Почетокот на пролетта 2011 година беше периодот, кога група новинари од некогашните печатени мејнстрим медиуми решија да се обидат на нов начин да работат, финансираат и споделуваат истражувачко новинарство. Денес СКУП слави 11 години постоење, со многу подеми и падови, но остана, како што кажа еден од неговите основачи, Џелал Незири меѓу првите и се уште еден од ретките „островчиња“ на слободата на изразувањето дури и кога станува збор и за најтешките теми – корупција, криминал од лошо владеење. СКУП продолжува и понатамуи покрај тешкото опкружување што го наметна пандемијата. Им благодариме на сите кои беа и се од нашиот тим.

Последниот документарен филм кој СКУП го објави под наслов „Децата со маски во школо, возрасните без маски во кафани“, денеска е повлечен од сајтот на СКУП, како и од ФБ страната на СКУП, поради тоа што д-р Злате Мехмедовиќ тврди дека неговата изјава е извадена од контекст. Доколку тоа е случај, СКУП му се извинува на д-р Мехмедовиќ. Документарниот филм повторно ќе го објавиме, но без изјавата на д-р Мехмедовиќ.