Четиринаесет граѓански организации денеска потпишаа договори за грантови во рамки на проект финансиран од Европската унија, преку кој ќе се утврдуваат стандарди за добро управување во локалните самоуправи врз основа на т.н сигма принципи за јавна администрација. Проектот „Следење на принципите на јавната администрација во зачувување вредности на добро управување“ го спроведува Центарот за управување со промени, во партнерство со Асоцијацијата за менаџмент консалтинг МКА -2000 и Центарот за истражувачко новинарство СКУП Македонија. За спроведување на проектот Европската унија одвои 70.000 евра, односно по пет илјади евра за секој грантист. Според координаторот на проектот Мартин Додевски, стандардите за добро управување во централната државна администрација утврдени СИГМА заедничката иницијатива на ЕК и ОЕЦД, ќе се прилагодуваат на потребите на локалните самоуправи. – Низ низа настани и дебати ќе се потрудиме да ги утврдиме овие стандарди, да евалуираме колку локалните самоуправи...

Една недела по објавувањето на податоците кои ги затекна екипата на СКУП на терен за расфрланиот медицински отпад низ здравствените установи,  Министерството за здравство ненајавено ги активираше инспекциските служби. Прекршување на прописите за складирање на медицинскиот отпад и незадоволлително ниво на хигиена беа констатирани  во неколку клиники од комплексот Мајка Тереза. Продолжуваме да ја следиме состојбата и ги охрабруваме надлежните континуирано да ја извршуваат својата работа, во интерес на граѓаните.

Владата на Република Македонија синоќа во вечерните часови соопшти дека се константирани сериозни пропусти во реализацијата на превзементи обврски за одржување на Суперкупот на УЕФА на Арената „Филип Втори“, организацијата на големиот настан во Скопје е доведена во прашње. Ова е поседица на писмото кое УЕФА го доставила до Фудбалската федерација на Македонија. Всушност, ова е ново писмо на УЕФА. Првото е старо повеќе од една година, за што СКУП извести, во документарниот филм „Корупција во македонскиот фудбал“, објавен на 29 јули, минатата година. За ова Владата вчера објави: „На денешната седница на Владата констатирани се сериозни пропусти од страна на АД за стопанисување со станбен и деловен простор и на претходата Влада, во реализацијата на преземената обврска за одржување на УЕФА Супер купот 2017 на Арената Филип 2, со оглед дека стадионот не е подготвен согласно бараните стандарди...

УНЕСКО го објави извештајот за степенот на зачуваност во подрачјата прогласени за светски наследства, состојбата на Охрид е оценета како се поранлива, а главна причина за можната деградација се предвидените инфраструктурни проекти. Македонија има две години да го спаси своето единствено светско природно и културно наследство. СКУП веќе предупреди на ова во двата документарни филма “ЕЗЕРОТО ПРЕД УНИШТУВАЊЕ, ИНСТИТУЦИИТЕ МИСЛАТ САМО НА ПРОФИТ” и “ОХРИДСКОТО ЕЗЕРО ПОД ЗАКАНА НА УРБАНИЗАЦИЈАТА” од 10 и 11 април годинава „Нема веќе никакво сомневање дека таканаречените развојни проекти ќе донесат уништување на вредностите на Охридскиот регион, поради кои е прогласен за УНЕСКО подрачје.“ смета Александра Бујароска од „Фронт 21/42“. „Ова е вистинско време за целосно напуштање на сите деструктивни планови и одбирање на сосема поинаков пат за развој на нашето најголемо природно богатство“ порачуваат од Фронт 21/42. И во извештајот на УНЕСКО се...

Тужбите за навреда и клевета и понатаму остануваат средство за замолчување на неистомислениците, при што најчеста мета се новинарите и медиумите. Ова беше кажано на денешната презентација на заклучоците од извештајот на Центарот за истражувачки новинарство СКУП-Македонија, што се одржи во ЕУ инфо центарот во Скопје. Во извештајот се вели дека ова „практика придонесува кон влошување на состојбата со медиумската слобода во Република Македонија, при што се зголемува нивото на цензура и самоцензура кај медиумите и новинарите.“ Според резултатите од истражувањето, политичарите често се јавуваат како тужители на новинарите но и на нивните политички противници. Александар Божиновски од СКУП информираше дека истражувањето траело шест месеци и било поделено на три тематски области. Даниела Трпчевска, која била дел од истражувачкиот тим, рече дека во текот на истражувањето се добиени податоци од 26 судови во земјава кои ги побарало СКУП Македонија...